அனுஷ்காவுக்கு நிச்சயதார்த்தமா?

கலை வாழ்வில் மட்டுமல்ல, கல்யாண வாழ்விலும் அப்பாவுக்கு
  தப்பாத பிள்ளையாக பிறந்திருக்கிறார் தெலுங்கு ஹீரோ நாக சைதன்யா! இவரது அப்பா அமலாவை கொத்திக் கொண்டு போன பிரபல ஹீரோ நாகார்ஜுனா.


மகன் செய்திருக்கும் வேலை தென்னக சினிமாவையே ஒரு உலுக்கு உலுக்கும் போலிருக்கிறது. பின்னே என்னவாம்? அழகி அனுஷ்காவோடு டூயட் ஆடுவது போல ஆளாளுக்கு கனவு கண்டு கொண்டிருக்க, அதை நிஜத்தில் மெய்ப்பித்துக் கொண்டிருக்கிறார் நாக சைதன்யா.
வெளுத்ததெல்லாம் பால் என்று இந்த கிசுகிசுவை வெறும் கிசுகிசு லெவலிலேயே ரசிகர்கள் டீல் பண்ணிக் கொண்டிருக்கிறார்கள். ஆனால் அதில் டிக்காஷன் ஊற்றி சக்கரையையும் கலக்க ஆரம்பித்துவிட்டார் நாக சைதன்யா. கடந்த வாரத்தில் இவருக்கும் அனுஷ்காவுக்கும் நிச்சயதார்த்தமே நடந்து முடிந்துவிட்டதாம். மிக மிக ரகசியமாக வைக்கப்பட்டிருக்கும் இந்த செய்தியை நமது தமிழ் ஹீரோ ஒருவர் தமுக்கடிக்காத குறையாக ஊருக்கெல்லாம் சொல்லிக் கொண்டிருக்கிறார்.


அமலா முன்னணி நடிகையாக இருக்கும் போதுதான் நாகார்ஜுனா அவரை திருமணம் செய்து கொண்டார். அதே மாதிரி அனுஷ்கா முன்னணி நடிகையாக இருக்கும் போதே அவரை நிச்சயதார்த்தம் செய்து கொண்டிருக்கிறார் நாக சைதன்யா. இனியும் நடிப்பாரா அனுஷ்?